‏@3assiii
ست بيت قالتلى ماعصرتش ليمون لمرسي بس هاعصر للجيش،وراجل عجوز قال حتى الثوري اللى دعمته”حمدين” بيغازل الجيش..ماتلوموش الناس ع فشل الثوار العام

 ‏@Yasserigo
الناس مش ثوار ؟ الجملة منطقيًَا فيها حدين انت بتميزهم عن بعض تمييزهم خطأ بالاساس .. بتحد الثوار وبتفصلهم عن الناس غير المحددين

☭ عَassi ‏@3assiii
ده الواقع.. الثوار .. المجموعة القليلة اللى بدأت الثورة وشالت همهما سنتين.. غير الناس والاهالى اللى نزلت الشارع من شهرين بس

 ‏@zeze1000000
و اللى خلقكم نزلت قولت ” يسقط حكم العسكر ” بس عايزه الجيش دلوقت , احنا اسوأ من ايام المجلس العسكرى
‏@Yasserigo
الناس دلوقت دول إيه ؟ تصنيفهم إيه ؟ حدهم المنطقي إيه ؟ شيء هلامي غير مجسد يستجيب لفعل طليعة مقدسة خدت التعميد الثوري ؟

عزة الطبيخ بيتحرق روحي شوفيه

‏@zeze1000000
انت اخوان ؟؟ نظرة ذكورية فوقية🙂

 ‏@3assiii
ناس فضلت سنتين بتتفرج ع صراعات ثورية عسكرية..او ثورية اخوانية.وبتتفرج من بعيد..لما نزلت وشاركت.ملقتش حد قوى مغري ينجدها الا الجيش

 ‏@Yasserigo
اللي واقف يتفرج على فعل تاريخي بيحصل قدامه ولا يشارك فيه تصنيفه إيه ؟ والأهم مسئوليته عن افعاله إيه ؟ وضع الفرجة مش تبرئة

 ‏@3assiii
طب ماهو 80 مليون من اصل ال90 كانو بيتفرجو طول الفترة اللى فاتت .. نعدمهم؟ ولما جم يتحركو بديلنا ماعجبهومش. نعمل ايه. ؟

 ‏@Yasserigo
في أغلب الأحوال كلام الناشطين بيبنى على مغالطة منطقية بتمييز ما بين المشارك ووضعه في خانة الثوار وبين المتفرج وتجريده بكلمة (شعب)

 ‏@3assiii
طب بدل الانتقاد.. قولى انت الصح ايه ؟ وايه اللى مفروض يتعمل ؟

 ‏@Yasserigo
اعتقد أنا قلت بالتفصيل :))

 ‏@3assiii
انت قلت بالتفصيل نظرتك للى حصل قبل كده.. لكن ماقلتش ايه اللى مفروض يحصل من النهاردة وجي.. وده المهم بالنسبة لى حاليا

 ‏@Yasserigo
المناقشة دي ممكن تهم بعضكم : اللي واقف يتفرج على ثورة بتتشكل ولا يشارك فيها تصنيفه إيه ؟ والأهم مسئوليته (وبالتالي جريمته) عن أفعاله إيه ؟

في أغلب الأحوال كلام الناشطين بيبنى على مغالطة منطقية بتمييز ما بين المشارك ووضعه في خانة الثوار وبين المتفرج وتجريده بكلمة (شعب) أو (مواطن)

المغالطة المنطقية دي بتجر حاجات كتير، منها التجريد للمواطن العادي ووضعه في موضع الزبون.. الزبون اللي هيشتري بضاعة الكائن السياسي عبر الصندوق

الوضع دا قد يكون صالح (جملة شك) في حالة دولة اللعبة السياسية فيها مستقرة لسنوات وتقسيم العام فيها استقر على سياسي محترف ومواطن بيشتري بضاعة

لكن في وضع صعود ثوري وغير واضح ومفيش قواعد عامة لتقسيم العمل العام . المنطق دا خاطئ لان المواطن هنا لا يصح تجريده طبقًا للمغالطة الشهيرة

السؤال هنا من انتج التاني .. الوضع انتج فرضية ومغالطة إن المواطن المتفرج غير مسئول في الثورة ولا الناشطين انتجوها ؟ المسألة جدلية

الناشطين في جزء من الموضوع انتجوها بسبب تصورهم عن مفهوم الدولة الديمقراطية اللي دور المواطن فيها اختيار بضاعة جديدة كل دورة صندوق

و((المواطنين)) – بين أقواس عريضة- انتجوها وتقبلوها لانهم تريحهم من المسئولية عن افعالهم، هم طوال الوقت أطفال لا يحاسبوا

لتشبيه المسألة بتشبيه سافل ومحبب .. اللي بيتفرج على واحدة بتغتصب وعلى ناس بتدافع عنها موقفه إيه ؟؟ المثل بيقول لا ينيك ولا يخلى من نجاسة

يوم 29 يناير 2011 الموقف ضد الثورة فيه جزء منه نبع من تحمل المواطنين (الحد المنطقي المجرد الغائم دا) لمسئوليتهم عن نفسهم فشتموا اللي عمل دا

غوستاف لانداور تكلم عن الدولة والسلطة بوصفها حالة اجتماعية عامة من اللامبالاة .. الكلام دا صحيح في كثر من الأحيان

إريك فروم تكلم في كتاب الخوف من الحرية عن حالة بشرية يختار فيها البشر الفاشية لعجزهم عن تحمل مسئوليتهم عن أفعالهم .. عشان ما حدش يحاسبهم

التجربة الانسانية فيها كتير .. فيها تعبير انا كنت معارض جواني .. باقتل بس معترض من جوا .. اللي استخدم بعد سقوط النازية .. اقروا حنا أرندت

عزيزي المتابع لو كنت شايف إن الوضع الحالي كارثي وبتدور على مسئول عن الكارثة بص في المراية .. هناك اختلاف في درجة المسئولية مش في نوعها

 ‏@3assiii
مع احترامي ليك يا ياسر.. ها نخرج برة دايرة التنظير والتحليل..وقولى الناس تعمل ايه؟ الشعب والمواطنين بثواره ونشطاءه مطلوب منهم ايه

 ‏@Yasserigo
مطلوب يتحملوا مسئولية حياتهم بجميع تفاصيلها .. دا بديلي الأبدي

على جميع البشر المشاركة في جميع الواجبات والمهام البشرية والفضاء العام البشري والثروات البشرية والسلطات البشرية .. دا برنامجي الدائم

……….

اليوم لم ينتهي بعد بس كفاية كدة…اظن واضح

مها