ibrahimabdelfattah

 

البحر بيضحك ليه ؟
مش وقت دلع ولا ملي قلل
…..
البحر غضبان مابيضحكش
والنيل نشف وكأنه مكانش
واحنا غرقنا ف قافية وقلش
فوقوا بقي وكفاية ملل
والبحر بيضحك ليه ؟!
مش وقت دلع ولا ملي قلل
…..
مساكين ومن نقرة لنقرة
سكر وزيت قهروا الفقرا
ياشعب يامعلم إقرا
دا الجهل عار ودمار وخلل
والبحر بيضحك ليه ؟!
مش وقت دلع ولا ملي قلل
…..
قللنا فخارها قناوي
مايحبهاش إلا الغاوي
واللي علي كسرها ناوي
راح تكسره وحيبقي مثل
والبحر بيضحك ليه ؟1
مش وقت دلع ولا ملي قلل
……..
ياما ملينا وملينا
من صبرها ولا مَلينا
وعشقها شهد مالينا
إيمان وقوة وخير وأمل
والبحر بيضحك ليه ؟!
مش وقت دلع ولا ملي قلل

View original post